अर्थभानअहमदनगरआंतरराष्ट्रीयआरोग्यएज्युदिशाऔरंगाबादकोकणकोल्हापूरक्राईम डायरीजालनाठाणेनाशिक / उत्तर महाराष्ट्रपालघरपुणेफीचर्सबहारभूमिपुत्रमनोरंजनमराठवाडामहाराष्ट्रमुंबईयुथवर्ल्डरायगडराष्ट्रीयविदर्भविश्वसंचारसंपादकीयसांगलीसातारासोलापूरस्पोर्ट्स

पुणे महानगर नियोजन समिती च्या निवडणुकीत काँग्रेसला धक्‍का; नागरी गटातील एकमेव उमेदवार पराभूत

पुणे ; पुढारी वृत्तसेवा

महापालिका निवडणुकीच्या तोंडावर झालेल्या पुणे महानगर नियोजन समितीच्या निवडणुकीत नागरी गटातून काँग्रेसच्या एकमेव उमेदवार चंदूशेठ कदम यांचा पराभव झाला आहे. त्यामुळे ही निवडणूक बिनविरोध न करता उमेदवार उभा करणाऱ्या काँग्रेसला मोठा धक्का बसला आहे. या निवडणुकीमुळे महाविकास आघाडीतही मिठाचा खडा पडला होता.

पुणे महानगर नियोजन समितीच्या पुणे आणि पिंपरी-चिंचवड नागरी क्षेत्रात असलेल्या 23 जागांसाठी ही निवडणूक झाली होती. पुणे महापालिका आणि पिंपरी-चिंचवड महापालिकेत भाजप, राष्ट्रवादी आणि शिवसेनेचे संख्या व अतिरिक्त संख्याबळ पाहता या 22 जागामध्ये राष्ट्रवादीचे 7, भाजपचे 14 आणि शिवसेनेचा 1 सदस्य मतांच्या कोटयानुसार निवडून जाणार हे अपेक्षित होते.

पिंपरीत काँग्रेसचे 0 नगरसेवक आहेत. पुण्यात 10 सदस्य आहेत. तर निवडून येण्याचा कोटा 13 मतांचा आहे. त्यामुळे उपमुख्यमंत्री अजित पवार नागरी गटातील निवडणूक बिनविरोध व्हावी यासाठी त्‍यांनी ग्रामीण गटातून जिल्ह्यात काँग्रेसला एक जागा देऊ केली केली होती. मात्र, काँग्रेसच्या काही नेते आणि पदाधिकाऱ्यांनी पवारांचा हा प्रस्ताव धुडकावून नगरसेवक चंदूशेठ कदम यांचा उमेदवारी अर्ज भरला. त्यामुळे ही निवडणूक बिनविरोध होऊ शकली नव्हती. त्यावरून महाविकास आघाडीत थेट फूट पडली होती.

त्यामुळे या निवडणुकीत नक्की कोणाला धक्का बसणार याबाबत उत्सुकता होती. अपेक्षेप्रमाणे काँग्रेस उमेदवार या निवडणुकीत पराभव झाला असून या निकालाचे थेट परिणाम महापालिका निवडणुकीतील आघाडीवर होण्याची शक्यता आहे.

Related Articles

Leave a Reply

Your email address will not be published.

Back to top button